08年7月5&6日，我地８位自由人一齊去了番禺長隆水上樂園玩!! 感覺唔錯!!

因為我地係出發先前 6日先去中旅 BOOK 船和酒店，SCHEDULE方面有Ｄ TIGHT，但係都叫做成倒行啦！８個人喎～又要夾天氣～　星期六早上１０點４０分中港碼頭開船，坐左２個鐘到左蓮花山港落船。之後就坐酒店既接駁小巴去ＣＨＥＣＫ－ＩＮ，坐左大約半句鐘就到左我地既：紅馬泰羅酒店！

呢間野係新開張的，所以仲係好新淨！房間唔錯不過係冇雪櫃的...（好彩我地都諗到辦法解決呢個問題）

第一日，ＣＨＥＣＫ－ＩＮ晒之後時間大約兩點了～我建議應該即刻去水記玩！但係因為所有車程都唔熟（雖然酒店可以包車＄５０四個人，２０分鐘內到達），我地就決定星期日先去水記啦（點知錯晒....）～

於是我地地就唔理咁多，就咁就走左出酒店向住長隆區步行（好熱呀）；冇耐就行到去長隆野生動物園入口！呢度係我地既補給站啊～～～唔識路，我地就問人點樣去長隆個機動遊樂場，結果問到３個字：紫色站？　搵左一陣...原來係長隆區既接駁巴士線...

我地係長隆酒店店落車，酒店果然係貴Ｄ，個外觀都唔錯！諗住入去食下人地個西餐廳啦...妖！全部都收晒落場架！？大陸係冇ＴＥＡ　ＴＩＭＥ架！！只有一間ＢＡＲ開左，但係極唔抵食呢！＄９８三文治？？？

好啦，食唔倒好野就走啦～側邊就係機動遊樂場了！！！Ｕ型滑板、90度垂直過山車我來啦～～我地每人買左 $240 入場卷包埋夜晚個馬戲團表演就入左去了～～～唔係好多人，所以好多都係排一陣就有得玩啦！ＹＥＡＨ～

六點鐘倒，我地入左一間食小菜既餐館食左個８人餐，位位$50~都算係食得下人既一餐啦～～食完發覺大陸最好飲既氣水唔係可樂！係七喜ｌｏｒ！！

７點半開始既馬戲團我地應該要早Ｄ入去霸位，因為入面有Ｄ焗，坐近風扇會好Ｄ吧！個 SHOW 同幾年前的差不多，不過未睇過既都可以睇架！因為好多動物睇 Ｄ馬騮好得意！

散場！好Ｑ多人呀～我地就係門口用左６０蚊人仔，車左我地８個人返酒店！換件衫整埋下又再出去搵野食先！～～

頂．．我地間酒店周圍都冇野食開架！撞完一輪之後，原來我地一出酒店向右手邊長隆方向行三四個字就有ＳＵＰＥＲＭＡＲＫＥＴ了！Ｄ野好鬼平！！＄２支氣水？比長隆入面＄６平好多呀～～我地係超市入面掃左陣貨人地都要關門了！１０點啦～買左勁多ＳＮＥＣＫＳ＆ＤＲＩＮＫＳ，但係冇雪櫃喎！！！！　哈哈！下邊門口有間快餐店 （MKC? 好明顯係我國精神既一大延續：大陸除左９９．９既野係假既，其他就係真架ｌｏｒ！）入面賣緊中式飯餐及港版kＫＦＣ形式既炸雞食物。買左幾個餐，我地仲要膠著頭皮問店員俾一袋冰過我地返酒店自制涷飲！雖然佢地好ｏｄｄ但係都肯俾我地！有左包冰！真係好呀，有涷野飲了！！

晚上我地就玩大Ｄ，男仔輸左要做３倍掌上壓式ＳＩＴＵＰ！嘩攞命呀～

第二日，食左酒店既早餐．．．ＣＨＥＣＫ－ＯＵＴ時有Ｄ唔係太好既經歷呢！第一，昨晚２間房冇冷氣要換房，第二，竟然話我地有兩間房分別飲左支水和可樂！？我同佢地理論，＄１８蚊好少錢，我地唔會唔比你，但係講直冇人飲過你地的野飲，而我地又唔ＥＸＰＥＣＴ你地準備房間前Ｄ野數唔齊先比客人．你地仲係間新酒店，ＩＭＡＧＥ好緊要～呢Ｄ咁細微既野做唔好就要小心一點，如果唔係點ＫＥＥＰ客呢？後尾酒店都係全數退按金＆ＳＡＹ　ＳＯＲＲＹ，我當然接受啦，只希望佢地做好一點點吧，講真本身除左冇雪櫃之外都算不錯的酒店吧！

好，叫車來了！去到我地今次上黎既主角啦！長隆水上樂園！！！　嘩！好大好多野玩呀！不過我地慘在星期日來！同香港的團和大陸人撞時間，好多人呀！！　下一次最好都係平日來玩，因為今日就算五個鐘，排隊都用左２／３時間了！又要趕住６點船喎，快Ｄ玩啦～～

可惜的是天公不造美！就係我地六個人排隊上合家歡既時侯，好大舊雨雲打住雷過來呀！點呀？又高又凍又未輪到我地Ｄ風就係咁吹，Ｄ雨係咁照頭淋！起晒雞皮啦！不過合家歡可以６人一齊算係最快最好玩既一個ＧＡＭＥ了～　唉，本身仲有時間玩既，不過Ｄ雨落得咁勁，最怕趕唔倒船．．我地３點幾就沖身走人了．．．但係未玩晒架＞＿＜

坐車去蓮花山港冇塞車，９個字就到左了！四點幾又未開船，周圍行左一間，入左旅遊區幾經辛苦先有一間賣餃子的坐了下來，食了點東西再入一間地區超市，買左一堆舊零食就地碼頭等船了～～ wUwwU~~